Polizin Hizbin – Eritrean Robbing Gang in Asmara – ኣዛብእ ኣስመራ – ቀትሪ መላእኽቲ ፡ ለይቲ ሰይጣውንቲ

Eritrean Robbing Gang in Asmara
Eritrean Robbing Gang in Asmara

Eritrean News: Robbery in Eritrea – Daylight “Angels” and at night “Devils”

ኣቶ ወልዳይ ኣብርሃ ኣብ ብጸላም ዝተጎብአ ለይቲ፡ ኣብ ደረት ጽርግያ ኮይኑ፡ ነዊሕ ምብራህቲ ወልዓ ናብኡ ገጻ ትጉዓዝ መኪና ብማዕዶ ተዓዘበ።

“ እዚኣስ ትማልኣኒ ግዲ ትኽውን!…. እዝጊ ይፈልጥ!…. ንመን ኢልዎ!“

መታዓልልቲ ዘለዎ ክመስል ምስ ነብሱ ኣጉጀምጀመ። ኣቐዲመን ክልተ ኣውቶቡሳት ጥሒሰንኦ ስልዝሓለፋ’ዩ ከኣ፡ ምስ’ዛ ሳልሰይቲ መኪና ክቐንዖ እምነቱ ኣብ ኣምላኹ ዘንበረ።

ኣቶ ወልዳይ ነባር ሸዋጣይ’ዩ። ኣስመራ ኣምጺኡ ዝነግደሎም ኣብዑር ካብ ከረን ንምዕዳግ’ዩ፡ ዓዲ ኣበይቶ ካብ ዝርከብ መንበሪኡ፡ መሬት ከይብርሀ ተንሲኡ መጉዓዚያ ንምርካብ ናብ ጽርግያ ዝወጸ። እዛ ክትማልኦ ምሉእ ተስፋ ዘሕደረላ መኪና ግን፡ ኣውቶቡስ ዘይኮነት ኣብ ክሊ ዕድመ ዕስራታት ዝርከቡ ኣርባዕተ መንእስያት ዘሳፈረት፡ ቶዮታ ዛዓይነታ ኮድ ሓደ መኪና’ያ ዝነበረት። ኣብ ጥቕኡ ምስቐረበት መራሕ መኪና ደው ክብለሉ’ሞ ” በጃኻ ተማልኣኒ!“

ኢሉ ክልምኖ የማናይ ኢዱ ኣወዛወዘ። እንተኾነ፡ እዚኣ`ውን ከም ዝቐደማ ብናህሪ ስለዝሓለፈቶ ” እንታይ ዝበለ ተካል ለይቲ’ዩ!…ዶ’ምበር ሎምስ ክቐንዓኒዩ?“ ብኹነታትመገሻኡ ተጠራጠረ።

ይኹን’ምበር፡ እታ ዝሓለፈቶ መኪና ኣንፈታ ናብ ኣስመራ ገጻ ብምቕያር፡ ካብ ዝተወሰነ ርሕቀት ተጠውያ ከም ብሓድሽ ንዓዲ ኣበይቶ እናተሓምበበት ተመልሰት። እቲ ህሞት ጸላም ብምንባሩ፡ እታ ኣቐዲማ ዝሓለፈቶ መኪና ምኳና ክስተብህል ዝይከኣለ ኣቶ ወልዳይ፡ ኢዱ ሓፍ ኣቢሉ ደው ንኽትብል ድሕሪ ምምልካት ” ተማልኡኒ’ንዶ ሓተተ፡ ብዝተራዝሕወ ቬትሮ ማዕጾ መኪና፡ ንመራሕ መኪና እናጠመተ።

“ ሕራይ ተሰቐል ንዓናይ ” መራሕ መኪና መለሰ፡ ብየማናይ ኢድ ስፖርቴሎ እንዳኸፈተ።

ኣቶ ወልዳይ ማዕረ መራሕ መኪና ብቕድሚት ተሰቅለ።

መራሕ ቀዳማይ ማርሻ የእትዩ ድሕሪ ምብጋስ ” ንከረን እንዲኻ ሓቀይ? “ ሓተቶ ብፈገግታ።

For more read pdf document below:

Leave a Reply

Your email address will not be published. Required fields are marked *

By continuing to use the site, you agree to the use of cookies. more information

The cookie settings on this website are set to "allow cookies" to give you the best browsing experience possible. If you continue to use this website without changing your cookie settings or you click "Accept" below then you are consenting to this.

Close